تخيل شكل اعضاء منتدى دار العرب

[الجليله]

لعبه حلوه يات ببالي قلت اكتبها وهي بسيطه بس تخيل شكل الاعضاءوطبعا بدون زعل , وكل عضو لقى لو صفه وحده فيه يقولنا
اوكيك
خلاص انا راح ابتدي:
دار العرب
احسها سمراء متوسطة الطول تحب تعجف شعرها ولون شعرها اسود وعيونها عسليه مو نحيفه ولا بطه .

سمفونيه : حنطاويه متبتبه اشوي وجها مدور شعرها ناعم وقصير

مستقيل : طويل وبطه بس مو حيل ومسوي قفل

التنين : اسمراني طويييييييييل وضعيييييييييييف والزقاير ما تفارقه.

دعدوع : متوسط الطول عريض ممتلئ الجسم ما يحب اللحية.

دلوعة الخليج: قصيره شعرها اشقر متوسط الطول ولون عيونها عسليه او بندقيه

ممممممممممممممممممممممم منو بعد
اي العنيد: غير معرف .......... لان كتاباته قليله اهني ما تكونت عندي صوره له.

ممممممممممممم منو بعد ياربي ماعليه راح اتواصل معاكم.

[دار الــعــرب]

دار العرب: احسها سمراء متوسطة الطول تحب تعجف شعرها ولون شعرها اسود وعيونها عسليه مو نحيفه ولا بطه .

مو كل شي صح بس يمشي

[صبيحة مرزوق]

دلوعة الخليج: قصيره شعرها اشقر متوسط الطول ولون عيونها عسليه او بندقيه

هههههههه ولا شىء قلتيه صح :P

[الجليله]

شنو ما فهمتو اللعبه ؟؟؟؟؟؟؟؟؟

انتو بعد لازم تخيلون اشكال الاعضاء

ارجو انه الفكره تكون وضحت
باي

[سمفونية العشق]

سمفونيه : حنطاويه متبتبه اشوي وجها مدور شعرها ناعم وقصير
متبتبه يعني متينه؟؟
اذا متينه فكلششششش لا ههههههههه
في اشياء صح وفي غلط
لي رجعه انشاءالله

[الجليله]

انزين ليش ماتخيلون اشكال الاعضاء ؟؟؟ اللعبة جذي لازم نتخيل الاعضاء

[دار الــعــرب]

الجليله: قصيرة - بيضة - بطة

الرزين: اسمر - طويل - ضعيف " قلم قدو "

[الجليله]

هههههههههههههههههههه
بطه حرام عليج اكيد انتي قريتي موضوع مستقيل عن اكل المطاعم يميييييييي (20)
اتصدقين كثر ما اكل ما يبن على (138) وذكرت بس شي واحد صحيح.
انا اتخيل شكل الرزين اسمر ومتوسط الطول ومتبتب.
والعنيد طويل نحيف حنطاوي .
ودلوعة الخليج شعرها اسود وعيونها سوده وسمره

[غرشــة]

ههههههههههه

<----- طبعا تخيلاتها بايخه من الحين اقول لكم (187)

دار العرب : أحسك قمحيه اللون طولك عادي عنونك صغار ولونها اسود وشعرك طويل ولونه اسود
امممم
واثمك صغير وجسمك اسمن من العادي بشوي

وسمفونيه : اتوقعها دبدوبه وقزمه كنها طاوله هههههههههههههههههه وشعرها فلافل كنه شاهي ابوجبل (187)
وبيضاء



ومين بعد ياربيه

جونم معاكم : اتوقعه ابيض وطوله عادي وشعره اسود وجسمه حلوو


جليله : اتوقعها طويله وسمراء وعصلا وعيونها لونها عسليه وشعرها اسود وناعم وطويل

والامبراطور : اسمر وطويل وعيونه صغار وشعره فلافل (187)


دعدووع : لا لا مااقدر اتخيله الا بشكل حلاوه ههههههههههههههه
يمكنه لونه قمحي وطويل وعريييض مره ووعيونه وسط وشعره ناعم


دلوعه الخليج : شكلها بيضاء على اصفر وشكلها طويله بس مب مرره وشكل عيونها كبار ولونها رصاصي
وشعرها طويل ومو ناعم شعرها حوسه لكن لونه اشقر

اما
بقى واحد في بالي بس منووو








تصورو من هو







الرزين : اتوقعك عريض وطويل وعيونك وسط لونها عسلي ولونك ابيض وشعرك بني
ونااعم مرره



ودمتم سالمين

[دار الــعــرب]

وسمفونيه : اتوقعها دبدوبه وقزمه كنها طاوله هههههههههههههههههه وشعرها فلافل كنه شاهي ابوجبل
وبيضاء

هههههههههههههههههههههههههههههههههههههههههههههههههههههههههههههههههههههههههههههه

لا تسمعج سمفونية
توديج موزمبيق (169)

[الجليله]

شكرا لمشاركتك غرشه بس ياريتني سمرا قصدي برونزيه لا لوني عاجبني خلاص.
واقول لسمفونيه هاردلك وبعدين اللعبه تخيل يعني مو لازم نزعل من بعض لازم كل واحد/ ووحده يتحلى/تتحلى بالاخلاق الرياضيه
تحياتي

[سمفونية العشق]

دار العرب موزمبيق جريب ابي شي ابعد
الله يهداج هدايه مالها اخر خخخخخخخخخخ شالصفات ذي
داير راسج من الزين شكلج لوووووول

[الجليله]

يلا سمفونيه ناطرين تخيلاتج للاعضاء
:)

[غرشــة]

سموفنيه كنت استهبل بس

هههههههههههههه


وش رايك اقولك عاد الي صدق اتوقعه


احسك دبدوبه ومو طويله مرره لكن بشرتك بيضاء وعيونك كبار ولونها اسود وشعرك مو ناعم واسود

ودمتم سالمين

[سمفونية العشق]

خخخخخخخخخخخ غرشه بعد غلطط :33: (142)
تخيلات انه نطرو عليها شوي
لي رجعه وراح اذكرها :112:

[الجليله]

الله يستر منج يا سمفونيه كل مره تقول نطروا اشوي مدري ليش والصراحه مومرتاحه ههههههههههههههههههه.

[العنيد]

حمدالله ماذكرتيني (( أنا جذاب )) فكري في أحلي رجل و بتعرفين مواصفاتي + نظاره بدون فريم (( لازم بعد ههههه))

غرشه : رشيقه و أبتسامه جميله و سودا العينين طويله الشعر

دار العرب : جميله و بيضه و متوسطه الشعر و بنيه العينين و أبتسامه تجنن :bgkopf: (( مصلحه ))

الجليله : (( تقوول معلق سياسي ههههههه)) <<<<------عن الزعل بليززززز )) متينه شويه شعر مجعد زرقاويه العينين و بيضه

سنفونيه العشق : أبتسامه جمله و طويله قليله و تلبس نظاره و شعرها يوصل لين كتفها وسمره قليلا (( مب وايد ))

جونم معاكم : بختصار (( ويه بتشوفونه في التوقيع )) عن الزعل

الفنان : ما بذكره الأن عندي مواصفاته ونصلي في نفس المسجد :boom:

دعدوع : متين و قليل السمره و يلبس نظاره و أبتسامته تقوف (( تقووول فلم أكشن )) عن الزعل

الرزين : يلبس نظاره و شعره موقفنه مثل اللبنانين و ضخم و وقليل السمره

منوووووووووووو بعد

أذا تذكرت حد بخبركم

وشكرا علي الموضوع الحلو :iroc-red:

[غرشــة]

انا اولهم يعني انا احلاااهم


ههههههههههههههههههههههههه
والله عنيد تقريبا صح

عليك


مشكور

ودمتم سالمين

[الجليله]

زرقاء العينين ليش امريكيه ,,,,,, اتمنى الصراحه ثانكس

[العنيد]

يعني الأمريكيه لازم تكون عينها زرقاء ؟؟؟؟


وليش ما يعطونيرايهم مثل دار العرب و جونم و البقيه؟؟؟ :pissed: :pissed: :pissed: :pissed: :pissed:

[الجليله]

يلااااااااااااااااااااااا شباب وبنات وينكم يبه نبي مشاركتكم بنضحك اشوي لووووووووووول

[جونم معاكم]

هلووو

انا وصلت متأخر بس شفت ان اول شي غرشة تخيلتني ابيض آنه مو ابيض آنه اسمر او برونزي لوني واضح في الصورة التعبيرية لان هذي عيوني
العنيد قال ان صورتي في التوقيع لوووول طبعا هذي صورة نانسي عجرم البس نظارة لووول
او يمكن يقصد الصورة التعبيرية ما تطلع ويهي كلة انما بس عيوني

الحين يه دوري اتخيل

غرشة : مميلئة مائلة الي السمنة شوي بيضة بيضة حيل حيل عيونها واسعة شعرها بني وجها مدور ولكنه مو بشوش يعني الابتسامة ما تطلع الا بالعافية

العنيد: اسمر قصير ضعيف ملامحة مو قوية يعني كل شي في وجهة صغير العيون والانف والشفايف شعره مجعد

دار العرب: حنطاوية ممتلئة مايلة الي الضعف طولها معتدل ملامحها عادية ولكم اتوقع ان حواجبها متان شوي واحسها رقيقة واحط تحت كلمة رقيقة مليون خط شعرها خفيف يعني مو كثيف بنت عامق ناعم واصل اكثر من الكتف بشوي

سينفونية العشق : متينة سمرة شعرها مجعد شوي تحب تتغشمر ولكنها محبوبة من كل الي يعرفها

الجليلة : بيضة مملوئة شعرها قصير ناعم كيق اسود ولكن احس ان خشمها شوي كبير

دعدوع : ابيض يعني مو وايد ضعيف طولة اوكي مائل للقصر شوي يحب يسولف وايد لوول بس سوالفة حلوة

دلوعة الخليج : عيونها صغار ضعيفة حبوبة شعرها ناعم وايد وايد تحب التواضع وقول كلمة الحق ملامح وجها مائلة للملامح الهندية

المستقيل : يلبس نظارة راسة كبير شعرة مجعد حنطاوي جسمة معتدل

الرزين: متييييييين يلبس نظارة ابيض جدي يعني ما يحب الهزل

التنين الغاضب : مممممممم حنطاوي قصير متين شوي

الفنان: حنطاوي ما يحب اللف والدوران ملامحة عادي معتدل الطول

عنابة : حنطاوية رشيقة حبوبة تحب المزاح والمغشمرة شعرها مجعد وفيها من ملامح الايرانية

غرك جمالك: ابيض طويل ضعيف يلبس نظارة ويحب الانفراد لحالة يعني ما يحب الجمعة مع الناس

هذا توقعاتي اهيا توقعات بس آسف اذا غلطت على اي احد

تحياتي000جونم عجرم معاكم

[دار الــعــرب]

دار العرب : جميله و بيضه و متوسطه الشعر و بنيه العينين و أبتسامه تجنن (( مصلحه ))

تتمصلح ها؟
مو علينا هالحركات يا العنيد

[دار الــعــرب]

دار العرب: حنطاوية ممتلئة مايلة الي الضعف طولها معتدل ملامحها عادية ولكم اتوقع ان حواجبها متان شوي واحسها رقيقة واحط تحت كلمة رقيقة مليون خط شعرها خفيف يعني مو كثيف بنت عامق ناعم واصل اكثر من الكتف بشوي



نقدر نقول حنطاوية
فيني سمار شوي من الشمس
بس مو وايد
يعني وسط
مو ممتلئة وايد
يعني وزني بين 49 - 52
رقيقة؟
لا او حاط مليون خط تحتها بعد
انا وين والرقة وين
اي شعري خفيف
وايد يطيح
الله يخلي الاكل الصحي
اي ناعم بس جاف
طويل اي

[جونم معاكم]

دار العرب حواجبج متان ولا لاء؟؟؟؟

[دار الــعــرب]

وسط

[جونم معاكم]

انا بالنسبة لي وحث الريال حواجب متان احلى بس البنات ضعاف احلى اكثر

لييش

لان حواجبي آنه سيدة وايد كلش ستريت ناس وايد متسببين علي لووول فيقولون لي تحف حواجبك لوووول

فنعمة صارت نغمة

[عـنـابـه]

لوووووووووووووووول جوني يعد عاد ههههههههههههه

المهم مشكووووووووورة اختي جليلة على هالفكرة الحلوة

http://vb.ozq8.com/image.php?u=44937&dateline=1091431200

واليكم توقعاتي كالتالي ...

دار العرب : مو متينة ولا ضعيفة وسط وطولها زين شعرها ناعم وملامحها حلوة وبنت حبوبة وبشوشة .

جوني : حنطاوي وطويل وضعيف وملامحه هندية ودلووووع بس حبوب وكريم ومتعاون دايما .

غرشة : شكلها مثل الغرشة وبيضة وشعرها أشقر وعيونها عسلية .

جليلة : بيضة وقصيرة وشعرها قصير وعيونها بنية متينة شوي .

العنيد : أسمر ومعضل وطويل ومتين شوي وشعره مموج .

الفنان : أبيض وطويل وقصير شوي وشعره ناعم وعيونه عسلية .

http://www.arabnokia.net/images/smilies/p110.gif

دعدوع : قصير ومتين ويلبس نظارات وحنطاوي وشعره فلافل .

دلوعة الخليج : طويلة وبيضة وشعرها ناعم وملامحها ايرانية .

الرزين : قصير وحنطاوي وشعره مموج و ملامحة عادية .

سمفونية : طولها متوسط ومتينة شوي وشعرها قصير وناعم وعيونها بنية وملامحها حلوة .

التنين الغاضب : طوله متوسط وشعره يعد ومتين شوي .

المستقيل : طويل ورشيق وحنطاوي وشعره ناعم ومموج .

غرك جمالك : طويل وجيكر وشعره فلافل وضرسه طايح لووووووووول .

هذي توقعاتي ..

وتقبلووو تحيااااتييييييييي ..

http://www.arabnokia.net/images/smilies/fr7an436.gif

أختكم : عنووووووووبة الحبووووووووبة

[جونم معاكم]

عنابة آنه دلوع بل بل بل :s

لووول

تحياتي000جونم عجرم معاكم

[الجليله]

من خلال اخر مشاركه لي معاكم في المنتدى احب اشكركم على الردود
تحياتي

[جونم معاكم]

شكرا لك انتي جليلة وراح نفتقد مواضيعج الحلوة:(

[الجليله]

لا ماراح تفتقد مواضيعي لاني رجعت وراح اطفركم واخليكم تقولون ياليتها مارجعت هههههههههههههههه

[D3DOO3]

احم احم انا وصللللللللللللللللللللللت حدي متأخر بس سامحووووني لاني كنت ياي بالطريق ومره وحده التاير السبير انبط
وانا كنت دايس وبغيت انقلب بالسياره .. المعذره ..

لوووووووووووووووووووووووووووووووووووووووووووووووووووووووووووووووووووووووووووووووول

كل وصفي غلط واهم شي مادري ليش الكل يقووولي قصير .. يبه انا طولي 1و79 والله .. للعلم فقط وماراح اقوول اكثر من جذي الصراحه علشان ابي التوقعات وابي اضحك عليها وترى لاتخافوووون انا مو زعلان من احد والله بالعكس انا جدا مستاااااااااااانس وقاعد اضحك والله ..


اوكي انا الحين ابي ابدي توقعاااتي ...

جونم : ضعييف عصل شواربه يدوووب مبينين شعره بني بس غالبا ماله خلق يعدله كله معفس حواجبه كأنهم طريق سريع

الجليله : قزمه بيضه يعني اذا حطتوها عند الطوفه ( الحائط ) ماتيبن من بياضها مايله اللى الشفافيه لوووووووول
شعرها بني فاتح او يمكن صابغته الحين برتقالي لووووووووول تلبس نظارات .

دلووعة الخليج : احسها متسوطة الطول شعرها لي نص ظهرها وايد تحط شباصات براسها عيوونها بنيه خشمها منفرد شوي برونزيه مايله الى السمار شعرها بيرم ..

غرشه : لوووووووول من الاسم انتي متينه وقصيره وشعرج مجعد ماعندج رقبه بالعتها مع الفطور برمضان عيونج سوده خشمج مبوووووز اذووونج عويه لووووووووووووووووووووووول ..

سمفونيه : متوسطة الطول شعرها لوها بني محترق عيونها عسليه خشمها طويل شويه وشعرها خفيف مايل الى الصلع
راسها كبير يعني اكبر من جسمها واهيا عصله مثل الخيزران .. ممكن انها تنخش ورى الانوار في الشارع ايدها خشنه
حواجبها تقولون يعني في طير او حمامه لازقه بويها لوووووووووووووووووووووووووول .

مستقيل : قصير القامه اسمر متروس مو متين شعره ناعم بس مو وايد لونه بني غامق .. يلبس نظارات عيونه بنيه غامقه
خشمه عريض شويه ملتحي ودايما الشمااغ على كتفه ..

الرزين : اسمر طويل شوي مو وايد عيووونه سوده شعره خشن شوي .راسه متوسط الحجم .مترووس ايضا كله مدمر نفسه بالالوان اكثر واحد يخلص صابون البيت . اذا عصب ياكل ..

توووووووته : بيضه قصيره ماتسولف واااااايد بس متعلمه للحين مشكووووور شعرها بني فاتح ومايل للخشوونه وعيونها متوسطه لكنها بنيه فاتحه . خشمها طويل شوي تلبس نظارات شمسيه حتى بالليل .

التنين الغاضب : اسمر قصير وشعره مفلفل . عيووونه بنيه فاتحه ويهه مشقق من كثر ما يعصب . تقدرين تطبخين عليه من اعصابه . خشمه مفقوووص وعريض كف ايده اطول من وييه .. ضروسه مسوسه لووووووووووووووووووول

الفنان : طويل القامه جسمه حلو نشيط ورشيق . برونزي اللون عيوونه حلوه بنيه فاتحه ويهه بشوووش شعره فلافل
ضروووسه صفر هههههههه اذووونه عويه شويه خشمه عريض شوي في شامه على طرف خشمه .

دار العرب : سمره متبتبه او مترووسه مو ضعيفه شعرها مموج جاف تلبس نظارات من قوة عدساتها اذا احد ثاني لبسها يشووف اللي جدامه 20 . خشمها حلو وعيونها حلوه سوده متوسطة الحجم قصيره ماتحب تخلي الاظافر طويله ...
تعتني واييييد بحواجبها لي درحة الجنون حتى مره ماتدري وشالتهم واضطرت انها ترسم حواجب . عندها شامه على خدها اليسار شعرها لي الكتف ..

العنيد : متوسط القامه . نحيف كله لابس قحفيه شعره بني فاتح ناعم تفكيره فقط بالتجاره واهوا ما عنده الا العياره لوووووووول عيونهه واسعه راسه كبير على عنااده شاطر وووايد يحب يتحرش بالناس .. يلبس عدسات بنفسجيه
هههههههههه ... عنده في ايده اليسار واخر صبع ظفر طويل شويه ..

اتمنى انه محد يزعل وانشالله ماكون ناسي وايد ناس لاني ماقدر اكتب اكثر وانا اسف اذا غلطت

تحاااااااااااااتي لكم دعدوووووووع معكم من الكويت . :480:

[جونم معاكم]

جونم : ضعييف عصل شواربه يدوووب مبينين شعره بني بس غالبا ماله خلق يعدله كله معفس حواجبه كأنهم طريق سريع
ضعيف صح
شواربة يدوب مبينين : ما عندي شواب لحين ما طلع لي
شعره بني : شعري اسود وايد
لا يبه انتا شوفني اذا ابي اروح مكان ولا ابي اروح مدرسة جل اسبري ماي سيشوار واروح الحلاق كل اسبوع يضبط لي القصة وتقول لي ما اعتني في شعري ههههههه

بس اتصدق دعدوع حسيت انك قصير ما توقعتك طويل
تحياتي000جونم عجرم معاكم

[الجليله]

ايه والله ما اعتقدت انك طويل ههههههههه وانا بالصراحه بالنسبه لك قزمه طولي 166 مو شفافه بس بيضه وشعري احمر
س سؤال انت معضل صح وعليك لحية الله يا كافي ابيض وحواجبك كثيفه ولازقه ببعض صح

[D3DOO3]

لوووووووووووووووووووووووووووول جوووووووووووووونم من زييييييين راسك كل مره ترووح عند الحلاق .. :229:




تلاقون الحلاق عايش على راس جوووووونم يقووول شنو هذا اللي كل اسبوع يدفع الشي الفلاني علشان يقص شعره ..

وشعره اصلا مافيه شي يعني مو كل اسبووووع عاااااااد ..


الجلييييييله لووووووووووووووووووول لا يبه انا ما احط لحيه كله حاط قفل ومفتاحه ضايع لوووووووووووووووووول

وانا مو ابيض انا برونزي فاتح .. وانا مو معضل انا اوكي صج اني بنادي حديد بس مو معضل ولا ابي اعضل اصلا
لانها ظاهره اسمحولي شوي تافهه .. ولها سلبيات وااااااااااااااايد ..

وصج اني عيمي بس حواجبي مو عراض والله واهما لازقين اوكي بس مو مبين الا لما واحد يقرب صووبي ويدقق بس حواجبي ناعميييييييين وناااااااسه (912)


تحياااااااااااااااااااااااااتييييي يبه تحيااااااااااااااااااااتي

[دار الــعــرب]

دار العرب : سمره متبتبه او مترووسه مو ضعيفه شعرها مموج جاف تلبس نظارات من قوة عدساتها اذا احد ثاني لبسها يشووف اللي جدامه 20 . خشمها حلو وعيونها حلوه سوده متوسطة الحجم قصيره ماتحب تخلي الاظافر طويله ...
تعتني واييييد بحواجبها لي درحة الجنون حتى مره ماتدري وشالتهم واضطرت انها ترسم حواجب . عندها شامه على خدها اليسار شعرها لي الكتف ..

لووووووووووووووووووووووووووووول

بعدل الاخطاء

1- مو متروسة
2- شعري مو مموج
قالو البس نظارة بس مو لي هالدرجة
3- عيوني مو سودة ومافي احد عيونه سودة لان اللي عيونه سودة اهوا عمي
4- لا ما اعتني بحواجبي من ولدوني وهم جذي
5- ما عندي شامة
6- الشعر مو لي الكتف

[جونم معاكم]

دعدوع صج انتا عجمييييييي هلااااااااااااااااااااااااااا بيييييييييييييك :d

بس بقول لك اني اروح الحلاق كل اسبوع لان شعري وايد يطول بسرعة

[الجليله]

جونم هو مو عجمي عيمي يا بابا

[D3DOO3]

عادي الجليله لا تعاتبييييين جوووووووووونم لانه اهوا مسكييين ناسي المترجم ماله فا مايدري شنو قاعد يقووووووول وانا الحين بمشي وياااااااااه على الخط ..


هلااااااااااااا بييييييييييك أنت وشلووونك وشخباااااااااارك يا ولد .. بخير ؟؟ وشلووون الورعان ومن يعز عليك والجيران

انشالله الاهل بخير .. أجل سلملي على البتنجااااااااااان اوكي عموووو ... وسمعني بابا فيييييييييييييين

هههههههههههههههههههههههههههههههههههههههههههههههههههههههههههههههههههههههههههههههههه


تحياااااااااااااااااتي لكم مراسلكم دعدوووع . عيمي يعني ( ازخدمن ) الكويت


عرفت الحين يا امي لووووووووووووووووووووووووووووووووووووووول حبيب قلبي والله جونم

[جونم معاكم]

مو عيمي بالكويتي يعني فارسي
في البحرين يقولون عجمي

[الجليله]

احنا عندنا عجمي غير من قبيلة العجمان وعيمي هم بعد غير ازخدمن على قولة دعدووع مع اني مادري يعني شنو ازخدمن

[جونم معاكم]

اشخدمن اعتقد معناها قدي يعني مساوي لي جذي
ازخدمن ما ادري
انا سمعت ان في الكويت قبائل بس ما صدقت يعني صحيح فيها قبائل وشنو يعني القبائل تقصدون فيها عوائل
وعيمي مو يعني فارسي احنا نقول في البحرين عجمي

[D3DOO3]

جووووووووونم اي والله عندنا قبايل والله ان هاجوا نسفوووا اسرائيل بكبرها ييييييييييييييييو..

لوووووووووووووووووووووووووووووووووووووووووووووول


اي جووووووونم عيمي يعني فارسي باله سلامة باشي ؟؟ :m111:


والعجمي عندنا يعني من عايلة العجمان عندنا العجمي يعني .. غير الفارسي اهما يعتبرووون من القبايل المعروفه

عندنا بالكويت اللي لها مكانتها .. وناسها

ازخدمن يعني يا حظي يا جووونم وانت تقوول انك فارسي ؟؟ انت حتى نيبالي ما اخليك لووووووووووووووووووول


ازخدمن يعني من الجماعه يعني عيمي ... عرفت الحين يا حبيبي ؟؟ واااااااي وين بابا فين ما سمعناها منك

لووووووووووووووووووووووووووووووووووووووووووووووووول جونم اليوم :002: حق الحفله


تحيااااااااااتي لكم دعدووع معكم ... الكويت (904)

[جونم معاكم]

شكرا لك دعدوع على التوضيح
بس انا مو خبرة باللغة الفارسية وايد يعني هههه
المهم الي ابي اعرفه ان القبايل تفرق عن العوايل يعني القبايل غير عن العوايل ولا نفس الشي

[العنيد]

أقووووووول لين الحين محد توقع شكلي ؟؟؟؟

أنا بقولكم


طولي 174 cm
جسمي وسط ( يعني مرتب من كثر الرياضه ))
معضل
عيون سووود
البس نظاره
شعري شوي ناعم يعني مو خشن
لون الشعر أسود

أي معلومات خبروني

و أنا حاضر

[جونم معاكم]

عنيد هذي الملامح الي قلتها منتشرة بين الناس

يستحسن تحط صورتك ههههههههههههههههههه

[دار الــعــرب]

اصلا محد عيونه سوده يا العنيد
اللي عيونه سودة يعني اهو عمي
عيونك يمكن لونها بني غامج
روح طالعها عدل

جونم قبيلة نفس العيلة
لكن يكون العدد كبير وايد
ومنتشرين على مساحة كبيرة
او في اكثر من دولة

واحنا بالبحرين ما نقول عيمي نقول عجمي
وبالكويت يقولون عيمي

از خد من يعني منا وفينا

اي شي ثاني تبون تعرفونه؟
just ask

[toote]

انا اتخيل دعدوووووووع قزم

[جونم معاكم]

دار العرب مو ازدخمن يعني قدي او مساوي لي
بعدين تعالي اهني دار العرب ههههه ليش محد عيونه سوده آنه عيوني سوده
بعدين انتي الكلام الي تقولينه ان محد عيونة سوده بقول لج ليش لان العيون تلمع فمن جذي ما يصير للعين لون واحد تتدرج
بس ممكن ان يصير اللون الغالب على العين الاسود ليش لاء يصير
هذي رايي

تحياتي000جونم عجرم معاكم